西汶艺术网

中华古籍全录

汉语字典

书法字典

西汶艺术品

会员登录 | 注册
纽新优品
西汶艺术网:中国传统文化与艺术

首页

艺术资料

展览展讯

画廊艺馆

历史人物

品茶读书

中国诗词

我要提问

艺术图片

中国黄历

何华栈——前广州市粤剧团一团嘅当家小生

[来源:艺术中国]  [2013/4/17]
近呢几年,喺粤剧曲艺舞台上有一个老倌好红,佢嘅腔口超正,韵味浓郁,佢嘅作品畀人争相传唱,唱红咗穗港澳同埋海外舞台,我地叫佢做“当红炸子鸡”,佢就系何华栈嘞。

何华栈系前广州市粤剧团一团嘅当家小生,曾在广东粤剧学校接受传统粤剧训练,毕业后到北京戏曲学院继续深造。佢嘅唱腔兼收并蓄,集各家之长,嗓音明亮,吐字清晰,刚柔并重。九年前喺加拿大多伦多教学,2006年开办华声(芷凝轩)粤剧艺术中心,由于佢对艺术认真、精益求精,故而桃李满门。何华栈系个用“心”去唱曲嘅人,系属于“鬼咁好声又唱得鬼咁好听” 嘅老倌,佢好勤力,每一个腔,每一下吸气位都反复推敲,字头字尾都唱得清晰干净,拖腔园润,感情投入力求唱到最完美,所以佢嘅作品好受欢迎。何华栈嘅作品好多,好似《琴缘叙》、《怒劈华山》、《山河情泪》、《寒关别怨》、《沉园遗恨》等,都深受戏迷钟爱,现时穗港及海外嘅粤曲演唱会,几乎每场都有人唱佢嘅名曲。
西汶艺术网[http://www.artx.cn]
好似佢今年初嘅作品《沉园遗恨》,呢支曲哀怨悲情,旋律动人心弦。行内人都知,唱嘢最难唱就系:滚花、木鱼、南音,呢啲静场嘅曲,无乜音乐趁托,好显实力,有几多斤两,行家一听就知嘞。

喺《沉园遗恨》,呢支曲,何华栈唱嘅“乙反南音”:“更嫌你弱质纤纤,人瘦减,嗟我护花无力呀,嗟我护花无力自恨福薄缘悭”。佢唱得抑郁痛苦,音色苦涩,欲断还连,将陆游对唐婉嘅爱同怜,通过唱腔中嘅拉腔表露无遗。唱到:“嗟我护花无力” 嘅时候,佢用咗一句“拋舟腔”,喺传统腔嘅基础上加上咗哀怨嘅新腔,表现出主人公嘅悲情爆发,震人心弦。到后嚟嘅一段“乙反中板”:“何日逐志得意还,哀哉仕途多忧患,薄冰如履陷深潭。”同埋最后嘅“新曲钗头凤”:“红酥手,黄滕酒,满城春色宫墻柳。。。。。。”呢两段,佢唱得好压抑,啲气口控制得欲吐还休;啲腔口好似愁丝万柳理还乱,更似抽刀断水水更流噉样;啲腔口如泣如诉,听后令人不知不觉泪流满脸,真系超正!

何华栈,不太靓仔,但曲入耳廉,顿觉天籁之音,绕梁三日。梁大哥与何华栈对唱的《石门道别》;他与郭凤女对唱的《半生缘》、《梅花仙》;他与蒋文端对唱的《金石缘》;还有他与倪惠英对唱的《梁祝》。他和郭凤女合演的折子戏《山河情泪》、《寒关别怨》、《梦断延州路》、《魂断乌江》成为经典。他压抑着自己的满腔深情,欲言又止,把所有的痛苦深埋心底,他在诉说,诉说着诀别——痛彻肺腑、撕心裂肺、永难挽回!他的气质有着楚人的慷慨悲歌的气质,却丝毫不显矫情。
更多
纽新优品